MA RABTAA INAAD QUR,AANKA KHATINTO BIL KASTA?

MA RABTAA INAAD QUR,AANKA
KHATINTO BIL KASTA?
هل تريد أن تختم القرآن في كل شهر ؟

إعداد / عبد القادر شيخ محمد أخي
This email address is being protected from spambots. You need JavaScript enabled to view it.
Waxaa la hubaa inaan dhamaanteen quraanka jecelnahay, waana tan inagu kaliftay inaan qur,aanka aqrino habeen iyo maalin walba , ilaa ay ikhyaarta qaar dadaalkoodu gaarsiiyo iney maalin ku khatimaan quraankoo dhan ..
Ikhwaanii qur,aanku waa xayaatadeenii dhabta aheyd , isagaa ka qiimo badan cuntada iyo cabida iyo xataa hawada aan marna neefsaneyno marna saareyno sababtoo ah la,aantii waa halaag aduun iyo mid aakhiro, sidaas owgeed sow ma haboona inaan la tacaalo..
Mudo aad u fog ayaa waxaan aqriyey dhambaal qaadaa dhigaya qiimaha qur,aanku leeyahay iyo sida uu dadna ugu noqon doono xujo dadna uu lidkooda u ahaan doono, waxyaabihii aan ka faa,ideystay maqaalkaas waxaa iigu yaab badnaa sida qur,aanka loo goobo goobeyey ee muslimiintu tan iyo waqtiguu soo dagay ay u daneeyeen.
Qur,aanka hadaad tiraahdo tafaasiirta laga qorey ayaan tirin waad daali , Qur,aanka hadaad tiraahdo balaaqada dhexdiisa ku jirta baan koobi waad daali , adigu hadal badan yaana kugu daalinine majiro fan ka mida funuunta islaamka ilaa waxaad ka heleysaa aayad ama nuurkeeda oo hadheynaya taasina waxey ku tuseysaa inuusan kitaabkani sahal aheyn.. ilaa ay culimada muslimiintu qaar kamida yiraahdeen hadaad dooneysid liibaan aduunyo qur,aanka ku dadaal, hadaad dooneysid mid aakhiro qur,aanka ku dadaal, hadaad dooneysid labada daarood inaad hodon ahaatid qur,aanka ku dadaal.

Fahamkaas waa kan looga baahan yahay axad kasta oo qur,aanka distoor ka dhigtay laakiin waxaa la isku hayaa meeqaa qur,aanka bilkasta khatinta ? meeqaase markey qur,aanka aqrinayaan isku deyda iney macnihiisa fahmaan ? qur,aanka looma soo dajinin kaliya in dadka dhintay loo aqriyo ama markii dhib yimaado la barakeysto, qur,aanku waa kalaamkii rabi waana distoorka rabi ugu talogalay inuu hago uunka aduunka kunool kan carabka ah iyo kan reer-galbeegka ah, dadku maanta waxey leeyihiin aduunku xagee ka qasan yahay , waa maxay dulmiga ka socda meel kasta een raxmada laheyn gaar ahaan kan ku habsaday muslimiinta meel kasta joogta, soomaalidu maxey uga bixi laadahay jaahwareerka ku habsadey shan iyo toban sano ka hor? Maxaa isku diray dad isku af iyo diina ? maxaa keenay in xuduudii allaah subxaanahu watacaalaa laga talaabsado ? Waa waxey dhahdaa nin jiirkiisa la hayo dhoosha kama qoslo , taas waxaan uga gol leeyahay muslimiintu waa walaalo waxeyna walaalo ku noqdeen diinta islaamka iyo caqiidada ka dhaxeysa ,
Qur, aanku siduu ugu baahan yahay in markasta la daba taagnaado ayuu ugu baahan yahay in la isku taxluujiyo in macnihiisa la fafmo , taasina waxey keeni in qofku si toosa ugu xirnaado rabigii quraanka soo dajiyey.

هذا وصلى الله وسلم على نبينا محمد وعلى آله وصحبه أجمعين،،