GOODIN RABBI OO LOO GOODIYEY QOFKA AFKA SAMAHA WAX KA FARA

GOODIN RABBI OO LOO GOODIYEY QOFKA AFKA SAMAHA WAX KA FARA, XUMAHANA AFKA KA REEBA, AANSE KU DHAQMIN ISAGU

Alle weyne kor ahaaye wuxuu yiri:

94. "Dadka ma samaan baad faraysaan, marka aad idinku naftiinna halmaamaysaan (inaad wanaagga fashaan)? idinkoo kitaabka akhriyaya ma waydaan laheyn garaad iyo garasho". Suuradda Al-Baqarah Aayadda 44.

Wuxuu kaloo yiri kor ahaaye:

95. "Kuwa xaqa rumeeyow maxaad u leedihiin wax aydaan falayn caro-weyn bay Alle agti keenaysaa inaad tiraahdaan wax aydaan falayn". Suuradda As-Saf: Aayadda 2-3.

Wuxuu kaloo yiri kor ahaaye:

96. "Mana aan rabo inaan idiin daba maro waxa aan idinka reebayo". Suuradda Huud: Aayadda 88.

198. Abuu Zayd Usaama bin Zayd (A.K.R.) wuxuu yiri: "Waxaan maqlay Nebiga (S.C.W.) oo leh: "Maalinta qiyaamaha nin baa la keenayaa oo naarta lagu tuurayaa, markaas baa xiidmuhu soo dhacayaan oo markaasuu soconayaa isagoo wareegeysanaya hayana xiidmahiisa sida dameerku garan garta ugu wareego. Ehlu naarkaa isugu imaanaya oo oranaya hebeloow maxaa kugu dhacay? Sowtii aad samaanta fari jirtey, xumaantana reebi jirtey? Wuxuu oranayaa waa jirtaa. Laakiinse samaanta waa aan fari jirey, mana fali jirin; xumaantana waa reebi jirey anigaase fali jiray". (Bukhaari iyo Muslim)

This email address is being protected from spambots. You need JavaScript enabled to view it.