ANAASHIID/GABAYO

 FIQHI CIBAADAAT

ARRIMO FAA'IIDO KU JIRTO OO WEYSADA LA XIDHIIDHA
Marka la weysaysanayo hadalkii aan dheef lahayn waa la ogol yahay, laguma soo werin Sunnaha Rasuulka s.c.w. arrinkaa wax mamnuucaya.
Ducooyin in la akhriyo marka xubnaha qaarkood weysada la marinayo waa arrin aan sax ahayn. Ducooyinka keliya ee la ogol yahay waa kuwa aan ku soo sheegnay Sunnaha weysada.
Haddii uu qof ka shakiyo inta goor ee uu xubnaha biyo mariyey (sida gacmaha) wuxuu ku soconayaa intuu hubo.
Waxyaabaha jidhka ka celiya in biyaha weysadu taabtaan sida xaydha, rinjiga, xamuuradda haweenku ciddiyaha marsado iwm., waxa waajib ah in weysada ka hor laga suuliyo jidhka haddii kale weyso ma ansaxayso. Arimahaas xinnuhu kuma jiro, sababtoo ah xinnuhu jidhka ama ciddiyaha biyaha kama celiyo. Dumarka caadadu ku dheeraato (waqti dheer ka socoto) iyo dadka aan cudur awgii kaadida iyo dhuusada xejin karin waa inay salaad walba u weysaystaan. Xatta haddii ay dhibaatadaasu mararka qaarkood tahay oo aanay ahayn mid joogto ah.
In dadka aan weysaysan karin (sida qof gacma la') lagu caawiyo weysada way bannaan tahay.
In jidhka tuwaal ama wax la mid ah lagu qallajiyo weysada ka dib iyana way bannaan tahay.
Al-Albaani wuxuu tilmaamay inuu Xadiisku daciif yahay (Daciif Sunan Abuu Daa’uud: 9)