KITAABKA SALAADDA

CIIDDA ADXADDA EE BARAKEYSAN :  
Oo ah ciidda labaad ee Muslimiinta, wuxuuna yimaadaa maalinka tobnaad ee bisha Dul Xijjah ( bisha labo iyo tobnaad ee taariikhda islaamka) waxaana lagu kulmiyey wanaagyo badan, waxaa ka mid ah:
1. Waa maalinka u wanaagsan maalmaha sannadka oo dhan: Waxaa u wanaagsan maalmaha sannadka tobanka maalmood ee u horreeya bisha Dul Xijjah, sida uu Nabigu Salallaahu caleyhi wasalam yiri : “Ma jiro maalmo uu Allaah ka jecel yahay in lagula yimaado camallo wanaagsan maalmahan tobanka ah”.Waxay weydiiyeen: Ma xitaa jihaadka jidka Ilaahay? Wuxuu yiri: xitaa jihaadka jidka Ilaahay nin mooyee la baxay naftiisa iyo maalkiisa oo aan kala soo noqon waxba ka mid ah. (Al-Bukhaari 926, At-Tirmidi 757).
2. Waa maalinka xajka weyn, waxaa lala yimaadaa kuwo u waaweyn falalka xajka, waxaana ugu muhimsan oo ugu sharaf badan: ku dawaafka Kacbada, iyo gowraca hadyiga, iyo tuuridda jamradda Al-Caqabah.

• Prev
• Next