MAXAA BANNAAN IN LA SAMEEYO MAALINTA CIIDA SOONFURKA ?

MAXAA BANNAAN IN LA SAMEEYO MAALINTA CIIDA SOONFURKA ?
1. Salaadda ciidda: Waa salaad uu Islaamka ku adkeeyey dadkiisa oo ku boorriyey Muslimiinta inay u soo baxaan si loo guto iyagoo ay wehliyaan haweenka iyo carruurta, waqtigeeduna waa markay kor u kacdo qorraxda qaddar le’eg waran kaddib waa beriga ilaa cadceed wareegga.

Allaah wuxuu u jideeyey sakada soonfur si uu qof walba u baahi beelo oo uga maarmo wax weydiisiga dadka maalinta ciidda
Sida loo tukado: Salaadda ciidda waa labo rakcadood uu kor ugu qaado iimaamka akhrinta Qur’aanka, kaddib wuxuu khudbeeyaa labo khudbadood, waxaana bannaan xagga salaadda ciidda in lagu ziyaadsho takbiir billowga rakcad walba, markaa wuxuu takbiirsanayaa rakcaddaa koowaad ka hor akhrinta Qur’aanka lix takbiiradood aan ku jirin takbiirada ixraamka oo toddobo ku noqon, wuxuuna takbiirsanayaa rakcadda labaad shan takbiiradood aan ku jirin takbiirada ka soo kicidda sujuudda oo lix ku ah.