XAALADAHA AWOODDA UYEELASHADA MUSLIMKA XAJKA.

XAALADAHA AWOODDA UYEELASHADA MUSLIMKA XAJKA.
1. Inuu nafsad ahaantiisa awoodo inuu xajiyo, macnaha waa inuu awoodo inuu ku soo gaaro baytka nafsadiisa dhib la’aan ka zaa’id ah dhibka caadiga ah, oo heysto maal ugu filan arrinkaa, qofkaasi waxaa ku waajib ah inuu naf ahaantiisa guto faralka xajka.
2. Inuu ku xajin karo qof kale aanse isaga naf ahaantiisa awoodin inuu xajiyo xanuun iyo da’ weyn darteed, laakiinse uu heli karo qof ka xajiyo, oo awooda inuu siiyo maal qeyrki si uu uga xajiyo, marka qofkaasi waxaa ku waajib inuu siiyo maal qof ka xajiyo.
3. Qofka aan awoodin inuu isaga naf ahaantiisa xajiyo ama laga xajiyo, qofkaasi oo kale kuma waajib ah xajka maadaama uusan awoodin.
Sida qof aan heysan maal ka zaa’id ah baahidiisa iyo masruufka reerkiisa oo ugu filan gudashada xajka. Mana saarna inuu isu keeno maal si uu awood ugu yeesho xajka, laakiinse marka uu awood u yeesho waa ku waajib xajka.